>> အချစ် <<

ဝေ့ခနဲ ...
မြင်မိသလိုပါပဲ
မသေချာပါဘူး ....
ဒါပေမယ့် ..
ငါ့နှလုံးသား ... နှင်းစွတ်သွားတယ် .....

<< အလွမ်းငှက်ရဲ့ ဂီတ >>

ရွတ်ဆိုတဲ့ အသံ
ကာရံမညီ မပီသပေမယ့်
ဒီတစ်ခွန်းတည်းပါပဲ
... ချစ်တယ် ...

ဦးတည်ရာမဲ့ အတွေးနဲ့
လေသင့်ရာ လွင့်ခဲ့ ဖူးပေမယ့်
ဒီတစ်ကိုင်းတော့လည်း
နားခဲ့ချင်တယ် ... နောင်တမဲ့ .....

အသံသာသာ မသီကျူးတတ်ခဲ့
ဗြောင်းဆန်အောင်ချစ်ခဲ့ပေမယ့်လည်း
မနေတတ်မထိုင်တတ်တဲ့
ဇါတ်ပေါင်းတိုင်း
ဒီသီချင်းက လွမ်းတယ် ......

ကဲ ..
ဘာကိုများတွယ်တာနေတာလည်း ..

တေးသွားအတိုင်း လှုပ်ရှား
မနားခဲ့ရတဲ့
ဒီ .. နှလုံးသားကလေ

နင်လှမ်းသွားတိုင်း
လွမ်းတယ် .......

<<<< ရင်ကွဲကာမှ >>>>

လွမ်းရမှာ သိပါလျှက်နဲ့

ရှေ့ကိုပဲတိုးနေမိတဲ့ .. ရင်ခုန်သံတွေ ...
အကြိမ်ကြိမ်တွေးလည်း
နှစ်ထပ်မရှိတဲ့ ချစ်ခြင်းမို့
ဒီတစ်သက်စာပေးခဲ့ချင်မိတာ ....

မပြောင်းလဲနိုင်တော့တဲ့ကံရယ်
တွေ့ဆုံခြင်းကို နောက်ကျစေနိုင်လွန်းတယ် ....

စောစီးစွာ ရင်ခုန်ခွင့်ပေးခဲ့ရင် ....

မတွေဝေခဲ့ပါဘူး ..
ရှိပြီးသား ကံတရားကို ...
ငါလေ ... ဗီလိန်မဖြစ်ချင်ခဲ့ပါဘူး ....

သံယောဇဉ်အသံ
မကြားတစ်ချက် .. ကြားတစ်ချက်နဲ့
မမြင်နိုင်တဲ့ အနာဂါတ်မှာ
မမြင်ရမှာကို စိုးရိမ်ပြီး
ဒီမျက်ရည်က .. ငွေ့ရည်ဖွဲ့ချင်နေတယ် ...

ဆွေးချင်လည်း ဆွေးပါစေလေ
အနယ်မထိုင်တဲ့ .. ခံစားချက်ကို
စိတ်တူကိုယ်တူ
..... မျောလွင့် စေတော့မယ် ....

..ထီးတစ်လက် ...

တစ်ရာသီလုံး စွေခဲ့တဲ့မိုးကြောင့်
ဒီအလွမ်းတွေ စိုစွတ်နေရတယ် ..

ပျိုးအသစ်စိုက်တိုင်းသာ
ပန်းအကုန်ပွင့်ရမယ်ဆို
ကမ္ဘာရယ် ..
နင်လည်းတော်တော်လှနေရော့မယ် ....

မိုးမခတဲ့ ရင်ခုန်သံတဲ့လေ
တစ်ဘ၀စာအတွက်
ရွာသွန်းခဲ့ပေမယ့်
ခြောက်သွေ့အက်ကွဲစဲ ....

သြော .. အနမ်းရယ်
နင်မျက်နှာလွှဲတိုင်း
တစ်ခန်းရပ်သေဆုံးနေရတဲ့ .. ငါပါ ...

ရွာနေချင်တဲ့ ..
ဒီ .. မိုးအတွက်လေ ..

နင်မစိုခဲ့ချင်ရင် ..

ငါ့နှလုံးသားကိုပဲ ထုတ်ယူ
မင်း ...

...... မိုးခိုနေလိုက်ပါချစ်သူ ....

<<<<<< . တောင်းဆိုမှု . >>>>>>>

အသက်မဲ့နေပါလည်း
ခုန်နေစဲရင် .....
ငြိုငြင်မှု့များ ရှိခဲ့ရင်လေ
ပေးသနားခဲ့ပါ .. မြိုသိပ်ခြင်းရင်ခွင်ကို ...

လိုအပ်ခြင်းရှိရင်လည်း
ပိုနေတဲ့ တစ်ခြမ်းပဲ့နှလုံးသား
အမုန်းများ ကင်းစင်လျှက်ပါ .....

လုံးပါးပါးနေလည်း
သုံးမရတဲ့ နှလုံးသားတော့
မဟုတ်သေးပါဘူးလေ ....

တစ်စစီကျဲထား
စံပယ်ပန်းလေးများလို
ပန်ဆင်သူအကြိုက်
လှတတ်အောင်ဆင်နိုင်ပါသေးတယ် ...

မမြင်နိုင်တဲ့ ...
.. မျက်ဝန်းတစ်စုံရယ်
အမြန်လာကြင်နာလှည့်ပါ ..
သင်္ခါရတရားလေး မကုန်ဆုံးခင် .....

..... ရုတ်တရက်ကြွေတဲ့ ကြယ် .......

ငါလေ ... ရင်ခုန်တတ်ပါရဲ့
ထိမ်းသိမ်းခဲ့တဲ့ သံယောဇဉ်
ခိုင်မြဲလာလို့ ... ချစ်မိမှာစိုး ......

ငါလေ ... ပြောတတ်ပါရဲ့
ချစ်ခြင်းစကား
ပေါ့ ပျက်တယ်ထင်မှာစိုးလို့
မြိုသိပ်မှု .. မိုး ....

အကြိမ်ကြိမ် ရွာသွန်းပါလျှက်
စီးဆင်း မဲ့မြစ်ရေ
ငါကလေ .. ကမ်းပျောက်တဲ့
စက္ကူလှေငယ် ......

ယုံကြည်ပါလို့လည်း
ဘယ်တော့မှမဆို
ငါကလေ ...
လိမ်တတ်တဲ့ .. ဂစ်တာအို ...

ငြိမ်သက်နေပါတယ်
ငါကလေ ...
သံယောဇဉ်မြင်လို့
အချစ်ကို မျှော်နေမိသူ.......

ရှိုက်ခွင့်မရှိ

အလှမ်းသင့်လို့
ကမ်းလင့်တယ်ထင်မှတ်သလား
မနမ်းဘူးတဲ့
ဟောဒီ နှုတ်ခမ်းတွေမှာ
မင်းအတွက် ပန်းပွင့်တွေသာ
စီချယ်ထားတာပါ .......

ကောင်မလေးရယ်
လှမ်းမမြင်ရတဲ့ အနာဂါတ်တွေ
ငါတွေး မပူချင်ဘူး
မင်းကိုလေ ..
အဆွေးတွေလည်း
မပေးချင်ခဲ့ဘူး ......

ဝေးလွင့်နေတဲ့ ဘ၀တွေ
အလှအပတွေနဲ့ ပြန်ဆုံဖို့ဆိုတာ
ညတိုင်းမက်ခဲ့တဲ့
အိပ်မက်တွေ သက်သက်
မဟုတ်ခဲ့ဘူးလေ .....

အဖြေထွက်နေတဲ့ ပုဒ်စာ
နင်အနေများခက်နေသလား...

ငါ့အတွက်တော့
ဆုံးဖြတ်ခက်နေတဲ့
ဟောဒီလမ်းခွဲမှာ
ငါကိုယ်တိုင်ပဲ
အရှုံးကို တစ်ဖက်တွဲပြီး
အမုန်းခံဘ၀နဲ့
နေခဲ့လိုက်ပါတော့မယ်ကွာ .......

လွမ်း အရိပ်

မကြေငြာရဲတဲ့ အလွမ်းခန်းပါ

ညတွေမှာ
အိပ်မက်တွေပျော်မြူးခဲ့တယ်ဆိုရင်တောင်
မြင်ခွင့်မရှိတဲ့ .. ငါ ...

တစ်ချိန်တစ်ခါက
ပြောခဲ့တဲ့ စကားတွေကို
မိတ္တူ ကူး .. လွမ်းနေခွင့်ပဲ
ပိုင်ဆိုင်ခွင့် ရှိတဲ့ .. ငါ ..

သံယောဇဉ် ခပ်ပါးပါးကိုပဲ
ရေဖျော်ပြီး ..
နွေးထွေး ချင်နေတဲ့ .. ငါ ..

အဲ့ဒီ .. ငါ ကလေ
အလွမ်းကို သိရဲ့နဲ့
ချစ်မိခဲ့ ....

ကောင်မလေးရေ
အတိတ်မှာ နင်ကျန်ခဲ့တာလား ..

ပစ္စုပန်မှာပဲ
ငါ မရှိခဲ့တာလား ....

အနာဂါတ်မှာပဲ
ဒီ လက်တွေ .. ထွေးပိုက်ခွင့် မရှိတာလား ...


ငါကတော့လေ ...
မသိခြင်းများစွာနဲ့ လွမ်းတယ် ....

((( သူမသို့ <<< ၂ >>> )))

တစ်မိုးထဲအောက်
နှစ်ယောက်လုံးနေရပါလျက်
ထွေပြား တတ်တဲ့ ကံကြမ္မာကြောင့်
နင်ေ၀၀ါးနေတာလား …..

အဖြေစကားတစ်ခွန်းတည်းပါ
သေချာလွန်းတဲ့ ငါ့အတွက်တော့
အချစ်ဆိုတာ
မရေရာတဲ့ ပျက်လုံးမှ မဟုတ်ခဲ့ဘဲ ….

ဦးတည်ချက်တစ်ခုနဲ့ ရွာခဲ့တဲ့ကောင်းကင်

စိုစေချင်လွန်းကာမှ

ထီးတစ်လက်အောက်ရောက်နေတဲ့
တို့နှစ်ယောက်ဘ၀

ဘယ်တော့များမှ မိုးရေစိုရမယ်မသိ ……

အခုတော့လည်း လေ ….

မရွာတတ်တဲ့မိုး ….

အစိုးမရတဲ့ ကောင်းကင် ….

မိုးခ ချင်နေတဲ့
ဟောဒီ ရင်ခွင်တစ်စုံ ….

နင်ကြုံ သလိုသာ
ပြုစားလိုက်ပါတော့ ကောင်မလေးရယ် …


 ( အတူတူပဲနော် .. ဒီတစ်ပုဒ်လည်း ... အဟီးးး )

((( သူမသို့ <<< ၁ >>> )))

လက်တစ်ကမ်း
ဖြတ်လမ်းနည်းနဲ့တော့
ငါ့ အချစ်တွေကို ခ၀ါချမပြချင်ဘူး ......

ရာစုသစ်တွေ အကြိမ်ကြိမ်
Romance ကို သက်သေတည်ခဲ့တာ
အလကားသက်သက်
လျှာဖျားထက်မှာပဲ
ပျောက်ပျက်သွားဖို့မှ မဟုတ်တာ ...

မင်းကတော့လေ
အချစ်ကို မခံစားတတ်
ဓါးထက်ထက်နဲ့ ပါးပါးလှပ်နေတာ
ငါ့ရင်တောင်
အလွှာချပ်တွေ တစ်စစီ .....

ဒါပေမယ့်လည်းလေ ........
လျှောက်ရဲပါတယ်
လမ်းမရှိတဲ့ ကမ်းမှာ
ပန်းတစ်ပွင့်တောင်မှ
မင်းအတွက် .. ငါယူခဲ့တယ် ....
အေးစက်စက်နဲ့ ..... မင်း
ချွေချရုံသက်သက်အတွက်ပေါ့ ..

ရင်မှာနာ
မျက်ရည်ကျလည်း ...........
နွေခနေတဲ့
ငါ့ ရင်ခွင်အတွက်တော့
မြေမှာကျနေတဲ့
ပန်းတစ်ပွင့်လည်းပဲ
အမြဲလန်းလျက်ပါ ချစ်သူ ...........


(အဟဲ ....  အဟောင်းလေးပါ .... ဆိုဒ်တစ်ခုမှာတင်ဖူးတယ် .... စုစုစည်းစည်း ဖြစ်ချင်လို့ ပါ )  :P